NAPROFF

Фармакологик ҳусусиятлари

Фармакодинамикаси

Напрофф гель – маҳаллий яллиғланишга қарши, шишга қарши ва оғриқ қолдирувчи таъсир кўрсатади.

Напроксеннинг таъсир механизми циклооксигеназа ферментини сусайиши билан боғлиқ.

Циклооксигеназа арахидон кислотасини эндопероксидларга оксидланишини катализлайди. Ушбу реакция яллиғланиш жараёнининг кечки фазалари – гиперемия ва шишни юзага келтирувчи простагландинлар синтезидаги дастлабки босқич ҳисобланади. Бундан ташқари, напроксеннинг яллиғланишга қарши ҳусусиятлари лизосомал фаолликни сусайиши, лейкоцитлар миграциясини ингибиция бўлиши, эркин радикалларни нейтралланиши, шунингдек интерлейкин-2 ни сусайиши билан боғлиқ.

Шу билан бирга гель, таркибида этанол борлиги туфайли, юзада совитувчи ва тинчлантирувчи таъсир кўрсатади.

Фармакокинетикаси

Сўрилиши

Перорал қўлланганидан ёки ректал юборилганидан сўнг напроксен қон зардобида максимал концентрациясига 24 соат давомида эришади. Напроксен сақловчи препаратлар маҳаллий қўллангандаги сўрилиши ичга қабул қилинган ёки ректал юборилгандагига нисбатан секинроқ амалга ошади. Қондаги максимал концентрацияси терига маҳаллий қўлланганидан сўнг 4 соатдан кейин намоён бўлади.

Маҳаллий қўлланганида эпидермис, дерма ва мушак тўқимасида напроксенни аҳамиятли даражада тўпланиши кузатилади. Напроксен 10% ли гель шаклида қўлланганидан кейин напроксеннинг плазмадаги концентрацияси аҳамиятсиз даражада, тахминан 1,1% бўлган, сийдикдаги концентрацияси 1% ни ташкил этган. Дори воситаси маҳаллий қўлланганидан сўнг синовиал суюқликдаги концентрацияси катта эмас (қон зардобидаги концентрациясининг тахминан 50% ни ташкил этади).

Метаболизми

Напроксеннинг 99,9% плазма оқсиллари, асосан альбуминлар билан боғланади.

Чиқарилиши

Напроксен қондан тезда чиқарилади; напроксеннинг тахминан 98% сийдик билан чиқарилади: дозанинг 10% ўзгармаган ҳолда, 60% - боғланган напроксен кўринишида (40% глюкуронидлар шаклида ва 20% номаълум боғланган бирикма шаклида), 5% – 6-десметил-напроксен шаклида, 12% – 6-десметилнапроксен глюкуронат шаклида, 11% – 6-метил-напроксеннинг номаълум боғланган бирикмалари шаклида чиқарилади. Дозанинг 0,5% дан 2,5% гача қисми ахлат билан чиқарилади.

Напроксен йўлдош тўсиғи орқали ўтади ва кўкрак сутига ажралиб чиқади. Кўкрак сутида напроксен, қон зардобидаги концентрациясини тахминан 1% концентрацияда аниқланади.

Қўлланилиши

Напрофф гель маҳаллий ҳолда қуйидаги касалликларда:

• мушакларда ва бўғимларда жароҳатдан кейинги оғриқлар;
• бўғимларнинг дегенератив касалликларида қўлланади.

Қўллаш усули ва дозалари

Қуруқ ва тоза терига шикастланган соҳанинг майдонига қараб гелнинг тасмаси (одатда тахминан 4 см) суртилади, шикастланган соҳага тақсимланади ва бутунлай сўрилгунича эҳтиёткорлик билан ишқаланади. Препарат одатда кунига бир неча соатлик интервал билан кунига 4-5 марта суртилади.

Препарат суртилганидан сўнг қўлларни ювиш керак.

Даволашнинг давомийлиги касалликни кечишига ва даволашнинг самарадорлигига боғлиқ. Препаратни 4 ҳафтадан ортиқ қўллаш мумкин эмас. Агар бир ҳафта давомида даволашдан кейин оғриқ ва шиш сақланиб қолса ёки пациентнинг аҳволи ёмонлашса, шифокорга мурожаат қилиш лозим.

Тери қизариб ва таъсирланиб кетса, даволашни тўхтатиш керак. Агар симптомлар сақланиб турса, тиббий ёрдамга мурожаат қилиш керак.

Напрофф гелни напроксен сақловчи бошқа препаратлар (таблеткалар, суппозиторийлар ва бошқалар) билан бир вақтда қўллаш мумкин.

Болалар ва ўсмирлар

Препаратни 15 ёшгача бўлган болалар ва ўсмирларда қўллаш мумкин эмас.

Ножўя таъсирлари

Нохуш реакцияларни учраш тезлигини кўрсаткичлари қуйидаги тарзда аниқланади: жуда тез-тез (≥ 1/10); тез-тез (≥ 1/100, аммо < 1/10); тез-тез эмас (≥ 1/1000, аммо < 1/100); кам ҳолларда (≥ 1/10000, аммо < 1/1000); жуда кам ҳолларда (< 1/10000); учраш тезлиги номаълум (мавжуд маълумотлар асосида баҳолаш мумкин эмас).

Тери ва тери ости тўқималари томонидан: кам ҳолларда – терини маҳаллий таъсирланиши (эритема, ачишиш, қичишиш). Фотосенсибилизация реакциялари бўлиши мумкин.

Агар препарат терининг катта соҳаларига узоқ муддат давомида ишлатилса, кўнгил айниши, диарея, уйқучанлик, бош оғриғи каби тизимли нохуш реакцияларни истисно қилиш мумкин эмас. Тизимли нохуш реакциялар пайдо бўлганида шифокорга хабар бериш керак. Ҳансираш ёки дерматит пайдо бўлганида даволашни зудлик билан тўхтатиш керак.

Шубҳа қилинган нохуш реакциялар бўйича хабарлар

Дори воситаси рўйхатдан ўтказилгандан кейин шубҳа қилинган нохуш реакциялар бўйича хабарлар муҳим ҳисобланадилар. Пациентда дори воситасига нисбатан жиддий нохуш реакция аниқланганида ёки ушбу бўлимда таърифланмаган янги нохуш реакция пайдо бўлганида, Миллий фармакологик назорат тизимига мувофиқ хабар беришингизни сўраймиз.

Қўллаш мумкин бўлмаган ҳолатлар

• препаратнинг фаол моддасига ёки ёрдамчи компонентларидан бирортасига юқори сезувчанлик;
• салицилатларга (шу жумладан ацетилсалицил кислотасига) ва бошқа ностероид яллиғланишга қарши препаратларга (НЯҚП) юқори сезувчанлик;
• анамнезида, салицилатлар, напроксен ёки бошқа НЯҚПни қабул қилгандан кейин юзага келган астма ҳуружлари;
• 15 ёшгача бўлган болалар;
• ҳомиладорликнинг учинчи уч ойлиги ва лактация даври;
• тери қопламларининг бутунлигини бузилиши, очиқ жароҳатлар, терини таъсирланиши ва яллиғланишида препаратни қўллаш мумкин эмас.

Дориларнинг ўзаро таъсири

Напроксен тизимли қон оқимига аҳамиятсиз даражада (тахминан 1%) сўрилганлиги туфайли, клиник аҳамиятли ўзаро таъсирлар эҳтимоли кам.

Бироқ препарат терининг йирик соҳаларига узоқ муддат қўлланганида бошқа дори воситалари билан ўзаро таъсир қилишини бутунлай истисно қилиш мумкин эмас.

Напроксен аниони, оқсилларга яқинлиги юқори бўлганлиги туфайли, альбумин билан боғланган бошқа дори воситаларни боғланган соҳаларидан алмашиниши, ва шу орқали уларнинг таъсирига таъсир қилиши мумкин. Напроксен фенитоин, гидантоин, сульфонамидлар, перорал гипогликемик воситалар ва кумаринга ўхшаш антикоагулянт воситаларнинг таъсирини кучайтиради. Ушбу препаратлар напроксеннинг таъсирини кучайтириши мумкин.

Напроксенни калийни тежовчи диуретиклар билан бир вақтда қабул қилиш гиперкалиемияга олиб келиши мумкин.

Қуйидаги ўзаро таъсирлар напроксен перорал қабул қилинганидан сўнг кузатилган:

• метотрексат ва литийни найчалар секрецияси камаяди;
• глюкокортикоидлар, бошқа НЯҚП ёки ацетилсалицил кислотасини бир вақтда қабул қилиш меъда-ичак тизими томонидан асоратларни ривожланиш ҳавфини ошишига олиб келиши мумкин;
• напроксен фуросемиднинг натрийуретик самарасини ингибиция қилади;
• пробенецид напроксеннинг плазмадаги даражасини оширади;
• алкоголь напроксеннинг нохуш реакцияларини кучайтиради.

Ацетилсалицил кислотаси

Клиник фармакодинамик маълумотлар, напроксенни бир кундан ортиқ вақт давомида кетма-кет бир вақтда ишлатилиши ацетилсалицил кислотасининг кичик дозасини тромбоцитларнинг фаоллигига таъсирини ингибиция қилиши мумкинлигидан, ва бу ингибиция напроксен билан даволаш тўхтатилганидан сўнг бир неча кун давомида сақланиб туриши мумкинлигидан далолат беради. Ушбу ўзаро таъсирнинг клиник аҳамияти номаълум.

Лаборатор ўзаро таъсирлар

Напроксен тромбоцитлар агрегациясини камайтириши ва қон кетиши вақтини узайтириши мумкин.

Махсус кўрсатмалар

Қуйидаги ҳолатларда препаратни эҳтиёткорлик билан қўллаш керак:

• анамнезида НЯҚП гуруҳига мансуб препаратлари билан даволаниш вақтида аллергик реакциялар (тошма, терини қичишиши, қизариши) кузатилганида (юқорида санаб ўтилган симптомлар ривожланганида даволашни тўхтатиш керак);
• жигар етишмовчилиги, буйрак етишмовчилиги, қон айланишини бузилишлари бўлган пациентларни даволашда;
• препарат терининг йирик соҳаларига узоқ муддат давомида қўлланганида.

Напрофф гелни шиллиқ қаватларга ва кўзларга суртиш мумкин эмас. Гель кўзларга ёки шиллиқ қаватларга тушганида, уларни кўп миқдордаги сув билан ювиш керак.

Препаратни боғлов (бандажлар, пластир) остига қўйиш мумкин эмас. Препарат ичга қабул қилиш учун мўлжалланмаган.

Препарат билан даволаниш вақтида ва даволаш тугаганидан сўнг навбатдаги икки ҳафта давомида солярийга боришдан ёки бевосита қуёш нурлари таъсиридан сақланиш керак.

Болалар препаратни қўллаш ҳавфсизлиги юзасидан махсус тадқиқотлар ўтказилмаганлиги туфайли, препарат 15 ёшдан бошлаб ўсмирлар ва катталарда қўллаш учун мўлжалланган.

Ёрдамчи моддалар

Препарат таркибида аллергик реакцияларни (эҳтимол кечиккан) чақириши мумкин бўлган метилпарагидроксибензоат сақлайди.

Препарат терини таъсирлантириши мумкин бўлган пропиленгликоль сақлайди.

Ҳомиладорликда ва лактация даврида қўлланилиши

Ҳомиладорлик

Ҳомиладор аёлларда напроксенни қўллаш ҳавфсизлиги аниқланмаган.

Препаратни ҳомиладорликнинг биринчи ва иккинчи уч ойлигида қўллаш мумкин эмас, она учун даволашдан кутиладиган фойда ҳомила учун потенциал ҳавфдан устун бўлган ҳолатлар бундан мустасно.

Ҳомиладорликнинг учинчи уч ойлигида препаратни қўллаш мумкин эмас, чунки напроксен бачадон мушакларини қисқаришини ингибиция қилади; напроксенни ҳомилага таъсири артериал қон оқимини муддатидан олдин ёпилишига, оғир ва давомли туғруқларга олиб келиши мумкин.

Лактация

Лактация вақтида препаратни қўллаш мумкин эмас, чунки напроксен кўкрак сути билан ажралиб чиқади.

Автотранспортни ҳайдаш ва механизмларни бошқариш қобилиятига таъсири

Автотранспортни ҳайдаш ва механизмларни бошқариш қобилиятига препаратни салбий таъсири кузатилмаган.

Дозани ошириб юборилиши

Дозани ошириб юборилиш ёки интоксикацияни ривожланиш эҳтимоли кам, чунки сиртга қўлланганида напроксенни тизимли сўрилиши жуда кам.

Бироқ препарат нотўғри қўлланганида ёки бехосдан ичга ютиб юборилганида тизимли нохуш реакциялар пайдо бўлиши мумкин. Бундай ҳолатда НЯҚП билан заҳарланганда тавсия этилган чораларни ўтказиш керак.

Дозаси ошириб юборилганидан сўнг дастлабки бир соат давомида меъдани бўшатиш ва фаоллаштирилган кўмир қабул қилиш керак.

Чиқарилиш шакли

Гель 30 г ёки 45 г дан алюмин тубаларда.

1 алюмин туба тиббиётда қўлланилишига доир йўриқномаси билан бирга картон қутига жойланган.

Сақлаш шароити

Ёруғликдан ҳимояланган жойда, 25ºС дан юқори бўлмаган ҳароратда сақлансин.

Болалар ололмайдиган жойда сақлансин!

Яроқлилик муддати

Ишлаб чиқарилган санадан бошлаб 3 йил.

Яроқлилик муддати тугаганидан сўнг қўлланилмасин.

Дорихоналардан бериш тартиби

Рецептсиз.

Ишлаб чиқарилган

«Уорлд Медицин Илач Сан. ве Тидж. А.Ш.», Туркия

(15 Теммуз Мах. Джами Йолу Джад. № 50 Гюнешли Багджилар / Истамбул)

“World Medicine Ilaç San. ve Tic. А.Ş.”, Turkey

(15 Temmuz Mah. Cami Yolu Cad. No: 50 Güneşli Bağcılar / İstanbul).

Ўзбекистон Республикаси ҳудудида дори воситаларининг сифати бўйича эътирозлар (таклифлар) ни қабул қилувчи ташкилот номи ва манзили

“Tar Pharm Alliance”, МЧЖ

Ўзбекистон Республикаси, Тошкент ш., Миробод тумани, Сайхун кўчаси, 166 уй

Телефон: (+998) 71 277-76-78, (+998) 71 277-76-48.