ALLEVA

Фармакологик ҳусусиятлари

Фармакодинамикаси

Аллева – мажмуавий фитопрепарат бўлиб, тинчлантирувчи таъсирга эга. Таъсир механизми таркибига кирувчи компонентлари билан ифодаланади.

Жўка гуллари тинчлантирувчи, спазмолитик, сийдик ҳайдовчи таъсир кўрсатади. Таркибида биофлавоноидлар борлиги ҳисобига яллиғланишга қарши ва иситмани туширувчи таъсир кўрсатади. Безовта ҳаракатларни камайтиради, диққатни жамлаш қобилиятини оширади. Жўканинг кенг таъсир доираси гулларининг кимёвий таркиби билан ифодаланади, унинг таркибига гликозидлар, ошловчи моддалар, каротин ва аскорбин кислотаси (А ва С витаминлари), сапонинлар, флавоноидлар, кумарин, шунингдек эфир мойлари ва микроэлементлар киради.

Доривор лимонўт мия фаолиятини яхшилайди, бош оғриғини бартараф қилади, жуда яхши терлатувчи ва яллиғланишга қарши восита бўлиб хизмат қилади. Бундан ташқари, у нерв тизимини тинчлантиради ва табииий антидепрессант ҳисобланади. Овқат ҳазм бўлишини яхшилайди.

Мойчечак яллиғланишга қарши, қон тўхтатувчи, антисептик, дезинфекция қилувчи, буриштирувчи, оғриқ қолдирувчи, седатив, тиришишга қарши, терлатувчи, сафро ҳайдовчи ҳусусиятларга эга. Мойчечакнинг таркибига оқсиллар, камеди, шиллиқ, аччиқ таъми, эфир мойлари ва бошқа моддалар киради. Эфир мойларининг таркибига кирувчи азулен (хамазулен) яллиғланишга қарши ҳусусиятларга эга, мойчечакдан ажратиб олинган апигенин ва апиин – спазмолитик ҳусусиятга эга.

Пассифлора алкалоидлар ва флавоноид – витексин сақлайди, марказий нерв тизимига енгил тинчлантирувчи таъсирга эга, уйқуни тикланишига ёрдам беради, безовталик ва асабийликни камайтиради, силлиқ мушакларга спазмолитик таъсирга эга, юрак ишини яхшилайди, седатив таъсир кўрсатади.

Қулмоқ седатив, сийдик ҳайдовчи, яллиғланишга қарши, меъда-ичак йўлларининг тонусини оширувчи восита ҳисобланади. Шунингдек иштаҳани яхшилаш учун қўлланади.

Апельсин дарахти мевалари юрак фаолиятини яхшилайди.

Лаванда тинчлантирувчи ва ухлатувчи самараларга эга, оғриқни бартараф қилишга ёрдам беради. Лаванда истеъмол қилиш иштаҳани ошириш, кислоталик, артериал босимни нормаллаштириш имконини беради.

Фармакокинетикаси

Аллева препаратининг таъсири унинг компонентларини умумий ҳусусиятлари билан ифодаланади, шунинг учун кинетик кузатишларни ўтказиш имкони йўқ ҳисобланади.

Қўлланилиши

Аллева препарати болалардаги қуйидаги ҳолатларда тинчлантирувчи восита сифатида кўрсатилган:

• ҳаракат ва руҳий қўзғалувчанлик билан кечувчи неврозсимон ҳолатлар (айниқса, эрта ёшдаги ва ўрта мактаб ёшидаги болаларда);
• уйқуни бузилишлари (уйқуга кетишни қийинлиги, юзаки уйқу);
• нейроциркулятор дистония;
• бош мия ички босими юқори бўлган ҳолатларда қўлланади.

Қўллаш усули ва дозалари

Аллева сиропи овқатдан кейин ичга қабул қилинади. Қабул қилишдан олдин сиропни чайқатиш керак. Зарурат бўлганида сиропни сувда, мевали шарбатда, болалар озуқасида суюлтириш мумкин.

1 ёшгача бўлган болаларга препарат 2,5 мл дан суткада 1-3 марта буюрилади.

1 ёшдан 3 ёшгача бўлган болаларга – 5 мл дан суткада 1-2 марта буюрилади.

3 ёшдан 6 ёшгача бўлган болаларга – 5 мл дан суткада 2-3 марта буюрилади.

6 ёшдан катта болаларга – 5 мл дан суткада 3-4 марта буюрилади.

Сиропни дозалаш учун 2,5 мл, 3 мл, 5 мл, 7,5 мл, 10 мл, 15 мл ҳажмларга бўлинган ўлчов стакани ишлатилади.

Даволаш курси ва давомийлиги шифокор томонидан белгиланади.

Ножўя таъсирлари

Препарат беморлар томонидан яхши ўзлаштирилади. Тавсия этилган дозалардан ортиқ дозаларда ишлатилганида кўнгил айниши, аллергик реакциялар бўлиши мумкин.

Қўллаш мумкин бўлмаган ҳолатлар

Препаратни индивидуал ўзлаштиролмаслик ёки препаратнинг компонентларига юқори сезувчанликда қўллаш мумкин эмас.

Дориларнинг ўзаро таъсири

Барбитуратлар, транквилизаторлар каби, марказий нерв тизимининг фаолиятини сусайтирувчи препаратлар билан бир вақтда қўлланганида препаратнинг седатив ва ухлатувчи самаралари кучаяди.

Махсус кўрсатмалар

Препаратнинг таркибида ўсимликлардан олинадиган компонентлар борлиги туфайли, чўкма ҳосил бўлиши мумкин, флакон чайқатилганида у дарров йўқолади.

Ҳомиладорлик ва лактация даврида қўлланиши

Ҳомиладорлик ва лактация вақтида препаратни қўллаш юзасидан тадқиқотлар ўтказилмаган.

Педиатрияда қўлланиши

Препарат педиатрия амалиётида қўллаш учун мўлжалланган.

Автотранспортни ҳайдаш ва механизмларни бошқариш қобилиятига таъсири

Препарат болаларда қўллаш учун мўлжалланган. Автотранспортни ҳайдаш ва механизмларни бошқариш қобилиятига таъсири ўрганилмаган.

Препарат болалар ололмайдиган жойда сақлансин ва яроқлилик муддати тугаганидан сўнг ишлатилмасин.

Дозани ошириб юборилиши

Аллева препаратининг дозаси ошириб юборилиш ҳолатлари хақида хабар берилмаган. Дозаси ошириб юборилганида меъдани ювиш ва симптоматик даволаш ўтказиш керак.

Чиқарилиш шакли

Ичга қабул қилиш учун сироп 150 мл дан сариқ рангли шиша флаконда, бураладиган ҳимоя қопқоғи ёпилган, ва ҳимоя халқаси билан таъминланган.

1 флакон қўллаш бўйича йўриқномаси ва ўлчов стакани билан бирга картон қутига жойланган.

Сақлаш шароити

Ёруғликдан ҳимояланган жойда 25^оС дан юқори бўлмаган ҳароратда сақлансин.

Яроқлилик муддати

3 йил.

Дорихоналардан бериш тартиби

Рецептсиз берилади.

Ишлаб чиқарувчи

Савдо белгиси ва қайд этиш гувоҳномасининг эгаси

«Ротафарм Илачлары Лимитед Ширкети», Туркия

("Rotapharm Ilaçlarl Limited Şirketi", Turkey).

Ишлаб чиқарилган

«Фармамаг Амбалаж Санайи ве Тиджарет А.Ш.», Туркия

(Авджылар Илчеси, Багларичи Джаддеси №14, Кат: 2, Истамбул)

"Farmamag Ambalaj Sanayi ve Ticaret A.Ş.", Turkey

(Avcılar İlçesi, Bağlariçi Caddesi No:14, Kat: 2, İstanbul).

Ўзбекистон Республикаси худудида дори воситаларининг сифати бўйича эътирозлар (таклифлар) ни қабул қилувчи ташкилот номи ва манзили

«Tar Pharm Alliance» МЧЖ,

Ўзбекистон Республикаси, Тошкент ш., Миробод тумани, Сайхун кўч, 166 уй

Телефон: 277-76-78, 277-76-48