РОТАВИТ КАЛЬЦИУМ

ТАЪРИФИ

Вишилловчи таблеткалар. Думалоқ ясси шаклли оқ рангли, фаскали, апельсин ҳидли мармарликка йўл қўйилган таблеткалар.

Ротавит Кальциумнинг таъсири унинг таркибий қисмларининг таъсири билан белгиланади.

Кальций суяк тўқимасини ҳосил қилишда, тишларнинг минераллашувида, асаб ўтказувчанлигини ва мушакларнинг қисқаришини тартибга солишда, юрак фаолиятини барқарор сақлашда иштирок этади ва қон ивиш тизимининг таркибий қисмидир.

D3 витамини ичакетарлича кальцийнинг сўрилишини ва унинг суяк тўқимасида боғланишини кучайтиради, организмдаги кальций ва фосфор алмашинувини тартибга солади.

Кальций ва D3 витаминини қўллаш суяк резорбциясининг кучайиши (суяклардан кальцийни ювиш) стимулятори бўлган паратириоид гормони (ПТГ) ишлаб чиқаришнинг кўпайишига тўсқинлик қилади.

 

ҚЎЛЛАНИЛИШИ

D3 витамини ва кальцийни озиқ-овқаттан даражада истеъмол қилмасаёки организмда уларга бўлган эҳтиёж ортиб кетганда (жароҳат ва синишдан кейин, ўсиш ва қариш (остеопороз) туфайли, уларни танадан олиб ташлайдиган дори воситаларни қабул қилиш).

 

ҚЎЛЛАШ УСУЛИ ВА ДОЗАЛАРИ.

Ротавит кальций препарати овқатдан қатъи назар, перорал қабул қилинади. Таблеткани хона ҳароратида бир аткан ичимлик сувида (200 мл) эритиб, таййёрлангандан сўнг дарҳол ичиш керак.

Катталарга суткада 1-2 марта битта таблеткадан қўллаш тавсия этилади.

12 ёшдан ошган болалар – суткада 1 марта 1 таблеткадан қўлланилади.

5 ёшдан 12 ёшгача бўлган болалар учун суткалик доза ярим таблеткадан (бир таблеткадан тайёрланган эритманинг ярими) битта таблеткагача (тўлиқ тайёланмаган эритмани олади).                                                                                                                                                                                                                                                                                                                                                                                                                                                                                                                                            

Қўллаш курсининг ўртача давомийлиги 4-6афта. Йил давомида такрорий курслар сони индивидуал равишда белгиланади.

 

 

 

 

 

МАХСУС КЎРСАТМАЛАР

Препаратни узоқ муддатли қўллаш билан кальций даражасини аниқлаш учун қон зардоби ва сийдикни, шунингдек, креатинин клиренсини аниқлаш орқали буйраклар функциясини назорат қилиш тавсия этилади.

Мониторинг, айниқса, юрак гликозидлари ёки диуретикларни ишлатадиган кекса ёшли пациентлар учун жуда муҳимдир. Гиперкальциемия ёки буйрак етишмовчилиги бўлса, препаратнинг дозасини камайтириш ёки уни қабул қилишни тўхтатиш керак. Агар сийдикда кальций миқдори 24 соат ичида 7,5 ммолдан ошса (24 соат ичида 300 мг) қўллашни камайтириш ёки вақтинча тўхтатиш тавсия этилади.

Препаратни кальций ва D3 витаминини сақлаган витамин ва минерал комплекслар билан бир вақтда қўллаш тавсия этилмайди. Бошқа манбалардан D3 витаминини қўшимча истеъмол қилиш имкониятини ҳисобга олиш керак.

Буйрак етишмовчилиги бўлган беморларда D3 витамини метаболизми бузилгани кузатилган. Агар бундай беморлар холекальциферолни қабул қилсалар, унинг кальций ва фосфат гомеостазига таъсирини кузатиш керак.

 

ҚЎЛЛАШ МУМКИН БЎЛМАГАН ҲОЛАТЛАР

• препаратнинг компонентларига юқори сезувчанлик;
• гиперкальциемия, гиперкальциурия;
• сийдик-тош касаллиги (нефролитиаз);
• гипервитаминоз D₃;
• буйрак етишмовчилигининг оғир даражаси;
• туберкулезнинг фаол тури;
• саркоидоз.

Препарат таркибида аспартам мавжуд бўлиб, у организмда фенилаланилга айланади, шунинг учун фенилкетонурия бўлса, препаратни қабул қилиш тавсия этилмайди.

Эҳтиёткорлик билан: ҳомиладорлик, лактация даври, буйрак етишмовчилиги.

 

ЎЗАРО ТАЪСИРИ

Фенитоин ёки барбитуратларни бир вақтда қўллаш метаболик инактивация орқали витамин D3 таъсирини камайтириш мумкин.

Юрак гликозидларини бир вақтда қўллашда ЭКГ ва клиник ҳолатни кузатиш керак, чунки кальций препаратлари юрак глкозидларининг терапевтик ва токсик таъсирини кучайтириши мумкин.

Бифосфонатлар, натрий фторид ёки тетрациклинларни перорал бир вақтда қўллашда препаратни фақат 3 соатдан кейин қўллаш тавсия этилади (бифосфонатлар, натрий фторид ёки тетрациклинларнинг меъда-ичак тизимидан сўрилишини камайтириш хавфи мавжуд).

Тиазидли диуретикларни қўллашда гиперкальциемия хавфи ортади, чунки улар кальцийнинг каналчалар реарбсорбциясини оширади. Фуросемид ва бошқа ҳалқали диуретиклар, аксинча, буйраклар томонидан кальцийнинг чиқарилишини оширади.

Препаратни глюкокортикостероидлар билан қўллаш кальцийнинг сўрилишини пасайишига олиб келиши мумкин.

Оксалатлар (отқулоқ, исмалоқ) ва фитин (донлар) сақлаган озиқ-овқатларни истеъмол қилиш кальцийнинг сўрилишини камайтиради, шунинг учун отқулоқ, исмалоқ ёки донни истеъмол қилгандан кейин икки соат ичида Ротавит Кальциумни қабул қилиш мумкин эмас.

 

ЧИҚАРИЛИШ ШАКЛИ

Вишилловчи таблеткалар.

20 та вишилловчи таблеткалар силикагелли полипропилен пробка билан ёпилган полипропилен тубаларда.

1 туба илова-варақаси билан бирга картон қутида.

 

САҚЛАШ ШАРОИТИ

Намлик ва ёруғликдан ҳимояланган жойда, 25°С дан юқори бўлмаган ҳароратда сақлансин.

Болалар ололмайдиган жойда сақлансин.

 

ЯРОҚЛИЛИК МУДДАТИ

Ишлаб чиқарилган санадан 3 йил.

Яроқлилик муддати ўтгач қўлланилмасин.

 

ИШЛАБ ЧИҚАРУВЧИ

«КЕНДИ ЛТД», Болгария (8 Гурмазов шоссеси, 2227 Божуриште).

“KENDY LTD”, Bulgaria (8 Gurmazovsko shose, 2227 Bozhurishte).

 

САВДО БЕЛГИСИ ВА ҚАЙД ЭТИШ СЕРТИФИКАТИНИНГ ЭГАСИ КОМПАНИЯ

«РОТАФАРМ ЛИМИТЕД», БУЮК БРИТАНИЯ

("ROTAPHARM LIMITED", GREAT BRITAIN).