LANTOROL

Фармакологик ҳусусиятлари

Ланторол – меъда-ичак ярасига қарши восита бўлиб, протон насоси (Н⁺-К⁺-АТФ-аза) нинг специфик ингибиторидир. Лансопразол меъданинг париетал ҳужайраларида Н⁺-К⁺-АТФ-азанинг сульфгидрил гуруҳини фаолсизлантирадиган фаол сульфонамид ҳосилаларигача метаболизмга учрайди. Натижада хлорид кислотасини синтезини охирги босқичи блокланади, бу таъсирловчининг табиатидан қатъий назар, меъдада хлорид кислотасини базал ва стимуляция бўлган секрециясини пасайишига олиб келади.

Ланторол Helicobacter pylori нинг ўсишини бостиради ва бошқа препаратларнинг антихеликобактер фаоллигини оширади.

Фармакокинетикаси

Ичга қабул қилинганидан сўнг сўрилиши юқори. Максимал концентрациясига 1,5-2,2 соатдан кейин эришилади. Плазма оқсиллари билан боғланиши 98% ни ташкил этади.

Буйраклар орқали метаболитлар кўринишида ва ичак орқали чиқарилади. Ярим чиқарилиш даври 1,3-1,7 соатни ташкил этади.

Қўлланилиши

• меъда ва ўн икки бармоқ ичак яра касаллигида;
• меъда ва ўн икки бармоқ ичакни, ностероид яллиғланишга қарши воситалар (НЯҚВ) ни қабул қилиш билан боғлиқ бўлган эрозив-ярали шикастланишлари, стресс оқибатида ривожланган яраларни даволаш учун;
• гастроэзофагеал рефлюкс касаллиги (ГЭРК): рефлюкс-эзофагитни даволаш, рефлюкс-эзофагитда симптоматик даволашда;
• Helicobacter pylori эрадикациясида (антибиотиклар билан мажмуада);
• патологик гиперсекретор ҳолатлар, жумладан Золлингер-Эллисон синдромида;
• меъданинг кислота ҳосил қилиш фаолиятини ошиши билан кечувчи сурункали гастритни зўрайиш босқичида;
• меъда-ичак яраси бўлмаган диспепсияда қўллаш мумкин эмас.

Қўллаш усули ва дозалари

Ланторол капсулалари бутун ҳолда, чайнамасдан, овқатланишдан қатъий назар ичга қабул қилинади.

Меъда ва ўн икки бармоқ ичак яра касаллигида суткада 30 мг дан буюрилади.

Ўн икки бармоқ ичак яра касаллигини зўрайишида даволаш курси 2-4 ҳафтани, меъда яра касаллигида эса 4-8 ҳафтани ташкил этади.

Меъда ва ўн икки бармоқ ичакни, НЯҚВ қабул қилиш билан боғлиқ бўлган эрозив-ярали шикастланишида тавсия этилган дозаси суткада 30 мг, даволаш курси 4-8 ҳафтани ташкил этади.

Гастроэзофагеал рефлюкс касаллигида (рефлюкс-эзофагитни даволаш) суткада 30 мг дан 4-8 ҳафта давомида қабул қилинади, зарурат бўлганида даволашни 8 ҳафтагача узайтирилади.

Helicobacter pylori эрадикациясида 30 мг дан суткада 2 марта антибиотиклар билан мажмуада қабул қилинади.

Патологик гиперсекретор ҳолатларда, жумладан Золлингер-Эллисон синдромида препаратнинг бошланғич дозаси суткада 2 марта 30 мг ни ташкил этади, зарурат бўлганида дозаси суткада 120 мг гача оширилади. Даволаш курси индивидуал равишда аниқланади.

Меъда-ичак яраси бўлмаган диспепсияда 30 мг дан суткада 1-2 марта буюрилади. Даволаш курси 2-3 ҳафтани ташкил этади.

Жигар етишмовчилигида ва кекса ёшдаги пациентларга даволаш препаратнинг ярим дозалари билан бошланади, аста-секин тавсия этилган дозаларигача оширилади, аммо суткада 30 мг дан ошмасин.

Ножўя таъсирлари

Овқат ҳазм қилиш тизими томонидан: диарея, иштаҳани ошиши ёки пасайиши, кўнгил айниши, қоринда оғриқ, қабзият.

Марказий нерв тизими (МНТ) томонидан: бош оғриғи, лоҳаслик, бош айланиши, уйқучанлик, депрессия, ҳавотирлик.

Аллергик реакциялар: тери тошмалари.

Бошқалар: якка ҳолларда – гриппсимон синдром, миалгия.

Қўллаш мумкин бўлмаган ҳолатлар

• препаратнинг компонентларига юқори сезувчанликда;
• МИЙ ни ҳавфли ўсмаларида;
• ҳомиладорликни биринчи уч ойлигида, лактация даврида қўллаш мумкин эмас.

Дориларнинг ўзаро таъсири

Лансопразол теофиллиннинг клиренсини (10% га) пасайтиради.

Сукральфат лансопразолнинг биокираолишлигини 30% га камайтиради (ушбу препаратларни қабул қилишлар ўртасидаги оралиқ 30-40 минут бўлиши керак).

Цитохром Р450 ферментлар тизими иштирокида метаболизмга учрайдиган препаратлар билан ўзаро таъсир қилиши мумкин.

Антацидларни Ланторол препаратини қабул қилишдан 1 соат олдин ёки қабул қилгандан сўнг бир соат ўтгач қабул қилиш керак, чунки улар организмда дори воситасини сўрилишини пасайтиришлари мумкин.

Биокираолишлиги меъданинг рН муҳитига боғлиқ бўлган препаратлар (масалан, кетоконазол) билан бир вақтда қўлланганида, Ланторол препарати уларнинг сўрилишини ўзгартириши мумкин.

Препарат антипирин, диазепам, ибупрофен, индометацин, перорал ҳомиладорликка қарши препаратлар, фенитоин, преднизолон, пропранолол, варфарин препаратлари билан мутаносибдир.

Махсус кўрсатмалар

Препарат билан даволашни бошлашдан олдин меъда ва қизилўнгачда ҳавфли жараён борлигини истисно қилиш керак, чунки препаратни қабул қилиш касалликнинг симптомларини яшириши ва ташхис қўйишни кечиктириши мумкин.

Жигарнинг фаолияти пасайган беморларга ва кекса ёшдаги пациентларга эҳтиёткорлик билан қўлланади.

Автотранспортни ҳайдаш ва механизмларни бошқариш қобилиятига таъсири

Ланторол препаратини қўллаш транспорт воситаларини бошқариш ва механизмларни бошқариш қобилиятига таъсир қилмайди.

Ҳомиладорлик ва лактация даврида қўлланиши

Агар даволашдан кутилган фойда ҳомила учун потенциал ҳавфдан устун бўлса, препаратни ҳомиладорликни II ва III уч ойликларида қўллаш мумкин.

Препарат билан даволаниш вақтида эмизишни тўхтатиш керак.

Педиатрияда қўлланиши

18 ёшгача бўлган пациентларда препаратни қўллаш самарадорлиги ва ҳавфсизлиги аниқланмаган, шунинг учун ушбу пациентлар гуруҳида препаратни қўллаш тавсия этилмайди.

Препарат болалар ололмайдиган жойда сақлансин ва яроқлилик муддати тугаганидан сўнг ишлатилмасин.

Дозани ошириб юборилиши

Дозани ошириб юборилиши юзасидан маълумотлар йўқ.

Чиқарилиш шакли

Қаттиқ желатин капсулалар. 7 капсула блистерда. 2 блистер қўллаш бўйича йўриқномаси билан бирга картон қутида.

Сақлаш шароити

Қуруқ жойда 25^оС дан юқори бўлмаган ҳароратда сақлансин.

Яроқлилик муддати

3 йил.

Дорихоналардан бериш тартиби

Рецепт бўйича.

Ишлаб чиқарувчи

Савдо белгиси ва қайд этиш сертификатининг эгаси

«Ротафарм Лимитед», Буюк Британия

(“Rotapharm Limited”, Great Britain).

Ишлаб чиқарувчи

«Юнифарма», Эль Обур Сити, Каир, Миср

(“Unipharma”, El Obour City, Cairo, Egypt).