ROLINOZ

Maqolalar



Таъсир этувчи модда (ХПН):

цетиризин

Дори шакли:

ичга қабул қилиш учун томчилар.

Таркиби

1 мл препарат қуйидагиларни сақлайди:

фаол модда: цетиризин дигидрохлориди – 10 мг.

ёрдамчи моддалар: глицерин, пропиленгликоль, натрий сахарини, метилпара-гидроксибензоати, пропилпарагидроксибензоати, натрий ацетат тригидрати, концентрацияланган сирка кислотаси, тозаланган сув.

Таърифи:

тиниқ, рангсиз суюқлик.

Фармакотерапевтик гуруҳи:

антиаллергик воситалар (пиперазин ҳосилалари).

АТХ коди:

R06AE07.

Фармакологик ҳусусиятлари

Ролиноз – II авлод антигистамин препарат бўлиб, периферик Н1-рецепторларнинг селектив блокаторидир. Антигистамин ва аллергияга қарши таъсир кўрсатади. Ролиноз аллергик реакцияларнинг ривожланишини олдини олади ва кечишини енгиллаштиради, қичишишга қарши ва антиэкссудатив таъсир кўрсатади.

Аллергик реакцияларнинг эрта босқичида таъсир қилади, шунингдек яллиғланиш хужайраларининг миграциясини камайтиради, аллергик реакцияларнинг кечки босқичида иштирок этувчи яллиғланиш медиаторларини ажралиб чиқишини сусайтиради. Капиллярларнинг ўтказувчанлигини камайтиради, тўқималар шишини олдини олади, силлиқ мушакларнинг спазмини бартараф қилади, гистаминни, специфик аллергенларнинг юборилишига, шунингдек совуқ таъсирига (совуқ таъсиридаги эшакеми) бўлган тери реакцияларини бартараф қилади. Енгил кечувчи бронхиал астмада бронхларнинг, гистамин таъсирида индукцияланган, торайишини камайтиради.

Тавсия этилган дозаларда қўлланганида амалда седатив, антихолинергик ва антисеротонин таъсир кўрсатмайди.

Фармакокинетикаси

Препарат меъда-ичак йўлларидан тез сўрилади, сўрилиши 70% ни ташкил этади. Қон плазмасида максимал концентрациясига препарат қабул қилингандан сўнг 1 соатдан кейин эришилади. Цетиризинни плазма оқсиллари билан боғланиши 93% ни ташкил этади. Ярим чиқарилиш даври – тахминан 7-10 соат.

Жигарда минимал даражада метаболизмга учраб, нофаол метаболитни ҳосил қилади ва асосан буйраклар орқали ўзгармаган ҳолда чиқарилади.

5 мг дан 60 мг гача бўлган дозалар оралиғида цетиризиннинг кинетикаси бир чизиқли бўлади.

Қўлланилиши

Қуйидаги касалликларни симптоматик даволаш учун қўлланади:

  • сурункали ва мавсумий аллергик ринит;
  • поллиноз;
  • аллергик конъюнктивит;
  • эшакеми (шу жумладан, сурункали идиопатик эшакеми);

Қўллаш усули ва дозалари

Ролиноз ичга овқатланишдан қатъий назар етарли миқдордаги суюқлик билан қабул қилинади.

2 ёшдан 6 ёшгача бўлган болалар: 2,5 мг (5 томчи) дан суткада 2 марта ёки 5 мг (10 томчи) дан суткада 1 марта қабул қилинади.

6 ёшдан 12 ёшгача бўлган болалар: 10 мг (20 томчи) дан суткада 1 марта ёки 5 мг (10 томчи) дан суткада 2 марта қабул қилинади.

Катталар ва 12 ёшдан ошган ўсмирлар: 10 мг (20 томчи) дан суткада 1 марта қабул қилинади.

Кекса ёшдаги пациентлар: агар буйрак фаолияти бузилмаган бўлса, кекса ёшдаги пациентлар учун Ролиноз препаратининг дозасини пасайтириш зарурияти юзасидан маълумотлар йўқ.

Буйрак фаолиятини ўртача ва оғир даражадаги бузилишлари бўлган пациентлар: препаратни қабул қилишлар ўртасидаги вақт оралиғи ва дозаси буйрак фаолиятига қараб индивидуал равишда аниқланиши керак.

Буйраклар фаолиятини ҳолати

Креатинин клиренси

(мл/мин)

Препаратнинг дозаси и қабул қилишлар сони

Нормал буйрак фаолияти

Буйрак фаолиятини аҳамиятсиз даражадаги бузилишлари

Буйрак фаолиятини ўртача даражадаги бузилишлари

Буйрак фаолиятини оғир даражадаги бузилишлари

Диализдаги пациентлар

≥ 80

 

50 – 79

 

30 – 49

 

< 30

< 10

10 мг суткада 1 марта

 

10 мг суткада 1 марта

 

5 мг суткада 1 марта

 

5 мг кунора

Қўллаш мумкин эмас

 

Буйрак фаолиятини бузилишлари бўлган болаларга препарат креатинин клиренси, пациентнинг ёши ва тана вазнига қараб, индивидуал равишда буюрилади.

Ножўя таъсирлари

Препарат одатда яхши ўзлаштирилади. Ножўя кўринишлари кам ривожланади ва ўткинчи характерга эга.

Тавсия этилган дозаларда қўлланганида цетиризин МНТ га бироз ножўя таъсир кўрсатиши, ва улар уйқучанлик, бош айланиши ва бош оғриғидан иборат бўлиши мумкин.

Ножўя самараларнинг ривожланиш частотасини қуйида келтирилган кўрсаткичлари қуйидагича аниқланган: тез-тез эмас (≥ 1/1000, < 1/100); кам ҳолларда (≥ 1/10000, < 1/1000); жуда кам ҳолларда (< 1/10000); учраш частотаси маълум эмас (мавжуд бўлган маълумотлар асосида баҳолаш мумкин эмас).

Қон яратиш тизими ва лимфа тизими томонидан: жуда кам ҳолларда – тромбоцитопения.

Иммун тизими томонидан: кам ҳолларда – ўта юқори сезувчанлик реакциялари; жуда кам ҳолларда – анафилактик шок.

Моддалар алмашинуви ва озиқланиш томонидан: учраш частотаси маълум эмас – иштаҳани ошиши.

Руҳиятни бузилишлари: тез-тез эмас – қўзғалиш; кам ҳолларда – тажаввузкор ҳаракатлар, онгни чалкашиши, депрессия, галлюцинациялар, уйқусизлик; жуда кам ҳолларда – тик, суиқасдлик ғоялари.

Нерв тизими томонидан: тез-тез эмас – парестезиялар; кам ҳолларда – тиришишлар; жуда кам ҳолларда – таъм билишни бузилиши, хушни йўқолиши, тремор, дистония, дискинезия; учраш частотаси маълум эмас – амнезия, хотирани бузилиши.

Кўриш аъзолари томонидан: жуда кам ҳолларда – аккомодацияни бузилиши, кўришни ноаниқлиги, кўз олмасини ихтиёрсиз ҳаракатлари.

Эшитиш ва мувозанат аъзолари томонидан: учраш частотаси маълум эмас – вертиго.

Юрак томонидан: кам ҳолларда – тахикардия.

Меъда-ичак йўллари томонидан: тез-тез эмас – диарея.

Жигар ва сафро чиқариш йўллари томонидан: кам ҳолларда – жигар фаолиятини бузилиши (трансаминазалар, ишқорий фосфатаза, гамма-глутамилтранспептидазанинг фаоллигини ошиши ва билирубиннинг концентрациясини ошиши).

Тери ва тери ости ёғ қавати томонидан: тез-тез эмас – қичишиш, тошма; кам ҳолларда – эшакеми; жуда кам ҳолларда – ангионевротик шиш, дори воситаси таъсиридаги фиксацияланган эритема.

Буйрак ва сийдик чиқариш йўллари томонидан: жуда кам ҳолларда – дизурия, энурез; учраш частотаси маълум эмас – сийдикни тутилиши.

Умумий бузилишлар: умумий ҳолсизлик; кам ҳолларда – шишлар, тана вазнини ошиши.

Қўллаш мумкин бўлмаган ҳолатлар

  • препарат компонентларига, гидроксизинга ёки пиперазин ҳосилаларига ўта юқори сезувчанлик;
  • буйрак фаолиятини оғир даражадаги бузилишлари (креатинин клиренси < 10 мл/мин);
  • 2 ёшгача бўлган болалар;
  • ҳомиладорликда қўллаш мумкин эмас.

Дориларнинг ўзаро таъсири

Цетиризиннинг фармакокинетик ва фармакодинамик ҳусусиятларини, шунингдек ўзлаштирилишни инобатга олиб, уни бошқа дори воситалари билан ўзаро таъсир қилиш эҳтимоли кам. Псевдоэфедрин ёки теофиллин (суткада 400 мг) билан бир вақтда қўлланганида фармакодинамик ва фармакокинетик ўзаро таъсири аниқланмаган.

Цетиризин овқат билан бирга қабул қилинганида, гарчи унинг сўрилиш тезлиги камайса-да, аммо сўрилиш даражаси пасаймайди.

Махсус кўрсатмалар

Терапевтик дозаларда қўлланганида алкоголь (қонда алкоголнинг концентрацияси 0,5 г/л бўлганида) билан клиник аҳамиятли ўзаро таъсири кузатилмаган, бироқ препарат билан даволаниш вақтида алкоголь истеъмол қилишдан сақланиш тавсия этилади.

Ролиноз

сурункали буйрак етишмовчилиги, тутқаноқ ёки тиришишларни ривожланиш ҳавфи, сийдикни тутилишига мойиллиги бўлган пациентларга, шунингдан кекса ёшдаги пациентларга эҳтиёткорлик билан буюрилиши керак.

Ҳомиладорлик ва лактация даврида қўлланиши

Ҳомиладорликда Ролиноз препаратини қўллаш мумкин эмас.

Лактация даврида препаратни буюриш зарурати бўлганида эмизишни тўхтатиш керак.

Автотранспортни ҳайдаш ва механизмларни бошқариш қобилиятига таъсири

Даволаниш вақтида автомобилни бошқариш ва психомотор реакциялар тезлигини талаб қилувчи ишларни бажаришда эҳтиёткорликка риоя қилиш керак.

Препарат болалар ололмайдиган жойда сақлансин ва яроқлилик муддати тугаганидан сўнг ишлатилмасин.

 

Дозани ошириб юборилиши

Симптомлари: цетиризиннинг дозасини аҳамиятли ошириб юборилиши МНТ га таъсири ёки антихолинергик таъсирини кўрсатиши мумкин бўлган самараларга боғлиқ. Тавсия этилган суткалик дозадан камида 5 марта юқори доза қабул қилинганидан сўнг қуйидаги симптомлар: онгни чалкашиши, диарея, бош айланиши, ҳолсизлик, толиқиш, бош оғриғи, лоҳаслик, мидриаз, қичишиш, безовталик, уйқусизлик, уйқучанлик, ступор, тахикардия, тремор, сийдикни тутилиши кузатилиши мумкин.

Даволаш: специфик антидоти маълум эмас. Меъдани ювиш, кейинчалик фаоллаштирилган кўмирни қабул қилиш тавсия этилади, зарурат бўлганида – симптоматик даволаш ўтказилади. Гемодиализ самарасиз.

Чиқарилиш шакли

Ичга қабул қилиш учун томчилар 20 мл дан сариқ рангли шиша флаконда. Флакон томчилагич-тиқин ва болалардан ҳимояловчи тизимли қопқоқ билан таъминланган. 1 флакон қўллаш бўйича йўриқномаси билан бирга картон қутида.

Сақлаш шароити

25оС дан юқори бўлмаган ҳароратда сақлансин.

Яроқлилик муддати

3 йил.

Дорихоналардан бериш тартиби

Рецептсиз.

Ишлаб чиқарувчи

Савдо белгиси ва қайд этиш сертификатининг эгаси

«Ротафарм Илачлары Лимитед Ширкети», Туркия

("Rotapharm Ilaçlarl Limited Şirketi", Turkey).

Ишлаб чиқарилган

«Уорлд Медицин Илач Сан. ве Тидж. А.Ш.», Туркия

(Багджылар Илчеси, Гюнешли, Эврен Махаллеси,

Джами Йолу Джад. №50 К. 1В Земин 4-5-6, Истамбул)

“World Medicine Ilaç San. ve Tic. A.Ş.”, Turkey

(Bağcılar İlçesi, Güneşli, Evren Mahallesi,

Cami Yolu Cad. No:50 K. 1B Zemin 4-5-6, İstanbul).